12年前，已經參與劇場演出的佑仁，佇台頂演出孤腳戲(koo-kioh-hì，獨角戲)，伊的爸母坐佇台跤，這齣戲搬演伊20外年來的心境、伊的性傾向佮身份認同，也就是伊的故事。 佑仁的爸母欲按怎理解伊的出虹(tshut-khēng，出櫃)之路？這條行二十外年的路，又閣有啥款風風雨雨佮耐心舖排，家庭內的愛有時會是傷害，因為，咱攏猶咧學習理解。